Shatpadi Stotram - Adi Sankara

षट्पदी स्तोत्रम् - आदि शङ्कराचार्य
ṣaṭpadī stotram - ādi śaṅkarācārya
अविनयमपनय विष्णो
दमय मनः शमय विषय मृगतृष्णाम्।
भूत दयां विस्तारय
तारय संसार सागरतः॥१॥
avinayamapanaya viṣṇo
damaya manaḥ śamaya viṣaya mṛgatṛṣṇām
bhūta dayāṁ vistāraya
tāraya saṁsāra sāgarataḥ 1
दिव्यधुनी मकरन्दे
परिमल परिभोग सच्चिदानन्दे।
श्रीपति पदारविन्दे
भवभय केदच्छिदे वन्दे॥२॥
divyadhunī makarande
parimala paribhoga saccidānande
śrīpati padāravinde
bhavabhaya kedacchide vande 2
सत्यपि भेदापगमे
नाथ तवाहम् न मामकीनस्त्वम्।
सामुद्रो हि तरङ्गः
क्वचन समुद्रो न तारङ्गः॥३॥
satyapi bhedāpagame
nātha tavāham na māmakīnastvam
sāmudro hi taraṅgaḥ
kvacana samudro na tāraṅgaḥ 3
उद्धृत नग नगभिदनुज
दनुजकुलामित्र मित्र शशिदॄष्टे।
दॄष्टे भवति प्रभवति
न भवति किम् भवतिरस्कारः॥४॥
uddhṛta naga nagabhidanuja
danujakulāmitra mitra śaśidṝṣṭe
dṝṣṭe bhavati prabhavati
na bhavati kim bhavatiraskāraḥ 4
मत्स्यादिभिर् अवतारैर्
अवतारवताऽवता सदा वसुधाम्।
परमेश्वर परिपाल्यो
भवता भवताप भीतोहम्॥५॥
matsyādibhir avatārair
avatāravatā'vatā sadā vasudhām
parameśvara paripālyo
bhavatā bhavatāpa bhītoham 5
दामोदर गुणमन्दिर
सुन्दर वदनारविन्द गोविन्द।
भव जलति मथन मन्दर
पमन्दरम् अपनय त्वम् मे॥६॥
dāmodara guṇamandira
sundara vadanāravinda govinda
bhava jalati mathana mandara
pamandaram apanaya tvam me 6
नारायण करुणामय
शरणम् करवाणि तावकौ चरणौ।
इति षट्पदी मदीये
वदन सरोजे सदा वसतु॥७॥
nārāyaṇa karuṇāmaya
śaraṇam karavāṇi tāvakau caraṇau
iti ṣaṭpadī madīye
vadana saroje sadā vasatu 7